جمہوریت و سوگو جمہوری نظام ہی قوم ءِ مون تروک غٹ چیلنج آتا ایسرءِ، سید یوسف رضاگیلانی

اسلام آباد۔ 15 ستمبر (اے پی پی) چیئرمین سینیٹ سید یوسف رضاگیلانی پارینے کہ جمہوریت و سوگو جمہوری نظام ہی قوم ءِ مون تروک غٹ چیلنج آتا کلیدی ایسر ءِ، جمہوریت الس ءِ واکدار کننگ و راجی و اقتصادی شونداری ءِ مون آ دننگ اٹ اہم کڑد ادا کیک۔ جمہوریت نا جہانی دے انا وخت آ شنبے نادے آ تینا خصوصی کلہواٹی سید یوسف رضاگیلانی ملک انا شونداری ءِ پک کننگ کن جمہوری عمل اٹ چرجوئی ءِ برجاتخنگ نا اہمیت آ زور شاغا۔ ساڑی آ سیاسی حالیت آتا بابت او غٹ سیاسی جماعت آتیا زور شاغا کہ او تینا صف آتیٹی سیوت و ہم گرنچی ءِ مون آ دیر۔ سید یوسف رضاگیلانی داہیت انا درشانی ءِ کرے کہ بیرہ اسہ سوگو و یکجا جمہوری نظام ہی ملک انا شونہالی نا ضمانت تننگ کیک۔ اوجمہوری ادارہ غاتا سوگوی کن اجتماعی کوشست آتیا ہم زور شاغا۔