سی سی ٹی وی فوٹیج اٹی پیدوار ءِ کہ اسہ پارلیمنٹرین اسے ہم پارلیمنٹ نا تہہ آن دزگیر کننگتنے، عطاء اللہ تارڑ

اسلام آباد۔ 11 ستمبر (اے پی پی) بنجائی وزیر حوالکاری و شینکاری عطاء اللہ تارڑ پارینے کہ درو ہرا سی سی ٹی وی فوٹیج مون آ بسنے ، اوٹی پیدوار ءِ کہ اسہ پارلیمنٹرین اسے ہم پارلیمنٹ نا تہہ آن دزگیر کننگتنے۔ چارشنبے نادے آ قومی اسمبلی نا دیوان اٹی اعتراضی ٹک آ اوپارے کہ اسد قیصر صاحب کنکن شرف نا قابل ءِ، اونا دور اٹی حکومتی بنچ آتیان بدرد کننگاکہ کہ نی اپوزیشن نا ہیت آتے انت اکن خف توننگ اُس ولے اینو مچ آ ایوان اسپیکر نا پداٹ سلوک ءِ۔ اوپارےکہ دا شاہدی مون آ بس کہ اسہ باسک اسے ہم پارلیمنٹ  ہاؤس نا تہہ آن دزگیر کننگ تنے، اسپیکر آفس اٹی سی سی ٹی وی فوٹیج ساڑی ءِ، اونا مشاہدہ ءِ کبو۔ اوپارےکہ پی ٹی آئی والا تا فاشٹ سوچ ءِ ، اوفتے ٹی ہیت بِننگ نا حوصلہ اف۔ اوپارےکہ گپ وتران اٹ ہی ویل آتے ایسر کننگ مریک۔