غزہ ۔ 10 ستمبر (اے پی پی) غزہ نا سول ڈیفنس ایجنسی پارینے کہ پناہ گزین تا خیمہ بستی آ اسرائیل نا فضائی جلہواٹی 40 فلسطینی شہید و 60 ٹھپی مسنو۔ روئٹرز نا رداٹ شار انا انتظامیہ نا پاننگ ءِ کہ جلہو سے شنبے نا سہب اتون کننگا ہرافتے ٹی خیمہ بستی نا ہنکینی و طبی عملہ نا باسک آتا رداٹ خان یونس نا علاقہ المواسی ٹی جوڑ خیمہ بستی آ 4 میزائل خلنگا۔ داکیمپ اٹی بھلو کچ اسے ٹی ہموفک رہینگ انگ ءُ ہرا جلہو آتیان بچنگ کن ہموڑے سرمسنو۔ غزہ شار انا سول ایمرجنسی سروس نا کنڈآن پاننگانے کہ جلہو آتیٹی 20 تمبو تیٹی خاخر لگا و میزائل تمنگ نا سوب آن ہموڑے 30 فٹ اسکان بھلو کھڈ جوڑ مسنے۔ سروس نا رداٹ ٹھپی مروک آتیٹی زالبول چناک ہم اوار ءُ۔ ایمرجنسی سروس نا اسہ کارندہ سے نا رداٹ ننا ٹیم انا باسک آک داسکان شست مروک آ ہند آن لاش و ٹھپی تے کشنگ ءُ۔
