جاک ءُ کوکارءِ تماشہ ہلاس بوتگ، لُچی ٹگی  ءُ دروگ بندگءَ چہ  تحریک نہ چلاں، خیبر پختونخوا ءِ سروزیرءَ اے وڑیں  زبان کارمرز   مہ کتیں، سینیٹر طلال چوہدری

اسلام آباد۔9ستمبر  (اے پی پی):مسلم لیگ (ن) ءِ ر اہشون ءُ سینیٹر طلال چوہدری ءَ گشتگ کہ لُچی ٹگی ءُ دروگ بندگءُ پندل سازگءَ چہ تحریک نہ چلاں، خیبر پختونخواءِ سروزیرءَ اے وڑیں کارمرز مکوتیں، جاک ءُ کوکار ءِ تماشہ ہلاس بوتگ، نہ این آر ا و      رسیت ءُ نہ  پہیلی رسیت، کانود جوڑ کنگ مزن  گسءِ حک ایں، ملک ءِ تہا  ناشرکاری ءِ ہلاسی ، معیشت ءِ گہتری، تکانسری ءِ ہلاسی ءُ ملک ءَ سیاسی محکمی ءِ ھاترءَ کانود جوڑ کنگ المی  کنگ بیت، پاکستان ءِ گہتری ءِ ھاترءَ ہرچی کنگ  بوت الم ءَ کناں۔ دوشمبے ءِ روچءَ میڈیا ءَ گوں گپءُتران کتگءُ آئیءَ گشتگک    ہرچ وہدءَ کہ آسراتی دئیگ بوتگ  شما ہرچی کتگ، نوں شما تنا کسانکیں جلسہ  ئے کُت کنے، 9 مئی  بہ بیت یا 190ملین پاؤنڈ    امیچو جلسہ کُت  کنے بہ کن اِت، تحریک بہ چلائینے، دھرنہ بدے اِت، این آر او نہ رسیت، امبار، سونامی ملین  ٹری بہ بیت یا پشاور میٹرو شمارا حساب دئیگی ایں۔ آئیءَ گشتگ کہ گوستگیں 6  ماہاں کوکار  بوتگ آ  زی  ہلاس بوتگ، یک جماعتے گشتگ کہ جلسہ بیت، ہرچ  شہر ہرچ   دمگ ءَ چہ مردم درکاں، بلے آیاں اسلام آبادءِ گراؤنڈ ہم پُر کُت نہ کتگ، آیانی  جلسہ پنجابی تامورانی درور بوتگ۔ آئی ءَ گشتگ کہ   کے پی   کے ءِ سروزیر ءَ 15 روچانی تہا وتی واجہ ءَ را یل کنگ ءِ دھمکی داتگ،  شما پکر مکن اِت اے وڑ مہ بیت کہ آ وت اڈیالہ بندی جاہ ءَ بند  بہ بیت، دھمکی ءُ بٹاک جنوک لاہورءِ آیگءِ  دھمکی ءَ دئیگءَ اَں، پہ سئیلءُ سوادءَ کایاں   پُل   دئیاں اگاں پہ ناشرکاری ءُ جنگءُ داوا ءَ کایاں گڑا  کانود وتی کارءَ کنت ءُ سرجمیءَ پسو دئیگ بیت،  شما روچءَ  دھمکی دئیے ءُ شپءَ دستءُ پاداں گِراِت، شما تنا دروگ بند اِتءُ مردم رد دیئے ۔ شما اُلسءِ زر وارتگ اَنت شمارا ایشانی حساب دئیگ لوٹ ایت۔ طلال چوہدری ءَ گشتگ کہ شما جلسہ ءِ ھاترءَ  سوگند نامہ داتگ  بلے شما حلاپ  ورزی کتگ  نوں کانود ءِ دیما پیش بئے، دیم ءِ جلسہءَ اجازت دئیگءَ چہ پیسر اُرت چار ی کنگ بیت، جلسہ ءِ ھاترءَ ایچ وڑیں رکاوٹ نہ بیت، ایچ پولیس اہلکارءَ ایچ مردماناں نہ داشتگ   ، وہدے کہ پہ کزدن اسلام آباد پولیسءِ سرءَ اُرش کنگ بوتگ، اُرش ہما مردماں کتگ کہ  کے پی کے  ءِ سر وزیر ءِ سروکی ءَ اَتکگ اَنت، ایشی ءِ حساب  دئیگ بہ بیت، اے بوت نہ کنت کہ   امنءُ اینی جلسہ کنگءِ اجازت دئیگ بہ بیت ءُ پاکستان ءَ تکانسری ودی کنگ بہ بیت ءُ مزن گسءَ را  دھمکی دئیگ بہ بیت، ہرکس کہ  دھمکی دنت کانود آئیءِ دیما او  شیت،  ہرچی کہ پاکستان ءِ ھاترءَ گہتربیت الم ءَ کناں۔ آئیءَ گشتگ کہ  وہدے کہ پاکستان ءَ معیشت گہتر بیت ہمے وہدءَ تکانسری ودی  کنگ بندات کنگ بیت،  زی کسءَ پہ پاکستان ءِ گہتری ءِ ھاترءَ گپ نہ کتگ، ہرکسءَ تنا اڈیالہءِ مجرم ءِ ھاترءَ گپ کتگ۔