کوئٹہ۔ 09 ستمبر (اے پی پی):کشتءُ کشاری ءِ صوبائی وزیر حاجی علی مدد جتک ءَ گشتگ کہ مردمانی ازمتءَ را عبابت لیکاں ءُ کناں ، آیانی جیڑہ ءُ جنجالانی گیشءُ گیواری اولی دلگوشی ایں۔ آئی ءَ وتی لوگءَ اَتکگیں جتاہ جتاہیں ڈلاں گوں گپءُتران کتگءُ مردمانی جیڑ ھ ءُ جنجال گوشداشتگ ءُ موہ ءِ سرءَ آیاناں گیشءُ گیوار کنگءِ حکم داتگ۔ آئی ءَ گشتگ کہ وت ءَ را اُلسءِ ازمت گار لیک اَں ءُ منی دروازگ پہ اُلسءَ دائم ءَ پچ اَنت۔ آئی ءَ گشتگ کہ تنا وتی حلقہ ءَ نہ بلکیں سرجمیں بلوچستان ءِ مردمانی ازمت کنگءَ ساڑی اَں۔ آئیءَ گشتگ کہ دمگءِ تہا دیمروئی منصوبہ آنی سرءَ کارءِ بندات بوتگ ءُ اے منصوبہ آنی سرجم بوھگءَ چہ دمگ ءِ تہا دیمروئی ءِ نوکیں کِشک پچ بنتءُ مردم وشھال بنت۔
