اسلام آباد۔ 09 ستمبر (اے پی پی) زرکاری بورڈ خیبرپختونخوا نا مسکوہی چیف ایگزیکٹیو آفیسر و سینئر ایڈوائزر انرجی چائنہ و سی پیک پروجیکٹ نا مسکوہی ڈائریکٹرڈاکٹر حسن داؤد بٹ پارینے کہ سی پیک نا رداٹ پاکستان و چین نا نیام اٹ ہڑتوم آکنڈآتا تعلقداری بریبرکمکاری آ تالان ءِ۔ اودوشنبے نادے آ’’اے پی پی‘‘ تون گپ وتران کرسا پارے کہ دنیا نا حالیت آتیان ایڑتر ہڑتوم آملک آتا ہڑتوم آ کنڈآتا تعلقداری بھاز سوگو و خوشگوار رہینگانے و ہڑتوم آ ملک آتااست خواہی ءِ کہ اسہ ایلوءِ سوگو کننگے۔ حسن داؤد بٹ پارے کہ سی پیک نا رداٹ پاکستان اٹ مریس و نیام مدی ڈٹ آتیا تعمیراتی کاریم ترندی اٹ برجاءِ، وخت اس کہ ہڑتوم آملک آک سی پیک نا رداٹ اسہ ایلو نا آزموندہ غاتیان بھاز فائدہ ہرفینو۔ اوپارے کہ وخت تدینگ تون اوار اوار سی پیک نا بھرمک مون آ بریرہ انتئے کہ سی پیک نا مسخت ہندادے کہ ہڑتوم آملک آک زرگزرانی وڑاٹ سوگو مریر و علاقائی کہول آ اسہ ایلو تون منسلک مریر۔ اوپارے کہ ہڑتوم آملک آتا سفارتی تعلقداری اہم مزل نا حیثیت تخک۔ اومستی پارے کہ ہڑتوم آملک آتا زرگزرانی تعلقداری سوگومننگ ءُ و ہڑتوم آ کنڈآتا السی رابطہ ہم مون آ ہِننگ ءِ۔ اوپارے کہ سی پیک نا ڈٹ 2030 اسکان برجاسلک ہرانا اولیکو ریسہ ٹی بنداوی پنجر نا تفنگ و توانائی نا ڈٹ آتیاکاریم کننگا وخت اس کہ ارٹ میکو ریسہ ٹی کشت وکشار و راجی شرحالی آن بیدس چندی اقتصادی زون تا تفنگ آ خصوصی چکار کننگ انگ ءِ۔ حسن داؤد بٹ مستی پارے کہ سی پیک نا رداٹ مچ آملک اٹی اقتصادی زون تا تفنگ 2025 ء اسکان پورو کننگک۔ اوپارےکہ سی پیک نا رداٹ علاقائی رابطہ غاتیاکاریم برجاءِ و دا بابت اوغانستان آہم چکار کننگ انگ ءِ ۔ اوپارےکہ ہفتاد ہزار آن زیات پاکستانی سی پیک نا چندی ڈٹ آتیاکاریم کننگ ءِ ، ہرافتا پوروی آ مچ آملک اٹی ملازمت آتا پین وارخواہی فراوان مریک۔
