راولپنڈی۔ 09 ستمبر (اے پی پی) اینٹی نارکوٹکس فورس اودیم حوال آ کراچی انٹرنیشنل کنٹینر ٹرمینل آ بھلو کارروائی اس کرسا کولمبو سری لنکا غا گدریفوک آ پٹاٹہ غاتیا تالان کنٹینر آن بھلو کچ اسے ٹی ہیرون دوئی کرے۔ اے این ایف ہیڈکوارٹر راولپنڈی آن جاری بیان نا رداٹ شکبر ریفریجریٹر نا پٹنگ آ 1198 تھیلہ غاتیان 122 پٹاٹہ غاتیٹی مہارت اٹ اودیم کروک جم وڑاٹ کم و ود 5 کلوہیرون دوئی مس جم وڑاٹ 80 تھیلہ غاتیان ہرتھیلہ ٹی 1آن 2 ہیرون آن پُر پٹاٹہ مہارت اٹ اودیم کننگاسس۔ اے این ایف ٹیم بڑزکو کسبی لائخی و بے کچ مہارت اٹ دا غٹ ہیرون آن پُر پٹاٹہ غاتا تلاشی ءِ ہلک۔ ترجمان پارے کہ بنائی جاست وپاست ناکمک اٹ اسہ دوبہ دار اسے دزگیرکننگانے۔ ہندا کنٹینر اسہ نجی کمپنی اسے نا کنڈآن بُک کرفنگاسس۔ پین دوبہ دار آتا دزگیری کن چھاپہ خلوک کارروائی تا چرجوئی برجاءِ۔ دزگیر دوبہ دار آتے اے این ایف پولیس اسٹیشن آ گدریفسا مستی جاست وپاست نا بناءِ کننگانے۔
