اسلام آباد۔ 03 ستمبر (اے پی پی) پاکستانی پردیسی تے پارلیمان اٹ نمائندگی تننگ کن دستور (ترمیمی) بل 2024ءِ قومی اسمبلی ٹی پیش کننگا۔ سے شنبےنادے آ قومی اسمبلی نا دیوان اٹی نور عالم خان تحریک پیش کرےکہ اسلامی جمہوریہ پاکستان نا دستور نا آرٹیکل 59،51و 106 ٹی ترمیم کننگ نا بل پیش کننگ نا موکل تننگے۔ اوپارے کہ سینیٹ، قومی و صوبائی اسمبلی تیٹی پاکستانی پردیسی تیکن مخصوص نشست بایدے جتامرے۔ وزیرکانود سینیٹر اعظم نذیر تارڑ پارے کہ داڑآ مہالو آن کاریم مننگ ءِ ، اوننا المی بشخ ءِ، اوپاکستان نا شونداری ٹی نمان کڑد ادا کرینے۔ اوبل انا مخالفت ءِ کپرسا پارے کہ اودے کمیٹی آ گدریفنگے، دوہری شہریت اتون پارلیمان نا بشخ جوڑ کننگ مفک ولے نشست جتا کننگ نا بابت کمیٹی ٹی گپ وتران مننگ کیک۔ تحریک نا منظوری آن پد نور عالم خان بل پیش کرے ہرادے تعلقدار قائمہ کمیٹی آ گدریفے۔
