اسلام آباد۔ 03 ستمبر (اے پی پی) وزیراعظم محمد شہباز شریف پارینے کہ ملک اٹی افراط زر انا کچ تدوک آمسہ سال اٹی اولیکو وار 9.5 درسد اسکان بسنے، دا بیرہ اتفاق اس آخا ، کوشست آتا بھرم ءِ۔ سے شنبے نادے آایکس آ تینا پوسٹ اٹی او پارےکہ ادارہ شماریات پاکستان نا رداٹ اگست 2024 اٹی مسہ سال اٹی اولیکو وار افراط زر انا کچ سنگل ڈیجٹ آ بسنے۔ اوپارے کہ ننا چکار لس بندغ ءِ ریلیف نا فراوانی آ ٹی ءِ، ننا کاریم داسکان چٹتنے، داسکان پین بھاز گڑاکننگ نا گرج ءِ و نن حقی شونہالی اتنگ کن سنبرینگوک اُن۔
