سانگلہ ہل۔02 ستمبر (اے پی پی) مرکزی نائب صدر پاکستان مسلم لیگ (ن) و مسکوہی گورنر بنجائی وزیر امور کشمیر و گلگت بلتستان چوہدری محمد برجیس طاہر پارینے کہ سیاسی کارکڑد و السی خذمت آ یخین تخنہ، میاں محمد نواز شریف نا ویژن نارداٹ ہسپتال کاریم کننگ ءُ ولے الس ءِ بلامعاوضہ دوائی تا فراوانی مفننگ ءِ۔ مرکزی سیکرٹریٹ سانگلہ ہل اٹی صحافی تتون گپ وتران کرسا اوپارےکہ سفائی ستھرائی و ہسپتال آتیٹی دوائی تا فراوانی نا کاریم بنداوی وڑاٹ وزارت جان جوڑی نا کاریم ءِ، ہسپتال آتیٹی دوائی ملپننگ ءِ، مریم نواز شریف نا ڈائریکشن آ الس ءِ دوائی تا بلامعاوضہ فراوانی ءِ پک کننگے۔ برجیس طاہر پارے کہ دمدستی وڑاٹ ٹاسک فورس جوڑ کننگے ، زموار آک کاریم کپس تو اوفتے اوفتا کروک نا سزا تننگے۔ اوپارے کہ مچ آ حلقہ ٹی 95 درسد خلق آتیٹی سوئی گیس تننگانے، اسکول کالجز ایسوسی ایٹ کلاس انٹرچینج، رابطہ سڑک، ارٹ میکو انٹرچینج وار برٹن اٹی 50 کروڑ روپئی جاری کرینے وخت اس کہ شار شار نادرا دفتر، سانگلہ ہل پاسپورٹ آفس، پارک و جان جوڑی نا آسراتی فراوان کرے، سڑک آتا غٹ ڈٹ آک مسلم لیگ ن نا ءُ، ٹراماسینٹر جوڑ کننگ کتو ہرادمدستی وڑاٹ بایدے جوڑمرے۔ داوخت آسانگلہ ہل شاہکوٹ، واربرٹن و مچ آ حلقہ غان ورکرکارندہ غاتا بھلو کچ اس ساڑی ئسر۔
