اسلام آباد۔ 02 ستمبر (اے پی پی) ربیع الاول 1446ھ نا نوک ءِ ہُننگ کن مرکزی رویت ہلال کمیٹی نا دیوان (چارشنبے نادے آ) اسلام آباد اٹی بٹنگانے۔ دیوان نا کماشی ءِ کمیٹی نا چیئرمین مولانا عبدالخبیر آزاد کیک۔وزارت مذہبی امور نا ترجمان نا رداٹ زونل و ضلعی رویت ہلال کمیٹی تا دیوان تینا تینا تعلقدار ہند آتیامریرہ۔نوک انا رویت نا بابت پڑو مرکزی رویت ہلال کمیٹی نا چیئرمین مولانا عبدالخبیر آزاد مچ آ ملک آن ملوک آ شاہدی تے مون آتخسا کیک۔ دیوان وزارت مذہبی امور کوہسار کمپلیکس اٹی بیگہ نا 5 بجہ غا اڈہلیک۔ نوک ءِ ہُننگ کن محکمہ موسمیات آن چیف میٹرولوجسٹ ڈاکٹر سرفراز و سپارکو تون غلام مرتضیٰ مرکزی رویت ہلال کمیٹی نا تکنیکی کمک کیک۔
