اسلام آباد۔ 28 اگست (اے پی پی) سی پیک پاکستان و چین نا کیہی دہائی تیا تالان خڑکی و سوگو تعلقداری نا درشانی ءِ، ساڑی حکومت نا کوشست آتیان سی پیک داسہ ارٹ میکو ریسہ ٹی پترینگانے ہراٹی صنعتی و کشاری کمکاری، گوادر نا شونداری و راجی و اقتصادی شونداری آ چکار کننگک، ہرانا جوان ءُ مثبت بھرم اس دوئی مریک و زرگزرانی شونداری نا کسر آوار مریک۔ وزارت ڈٹ بندی نا کمامدارآتا رداٹ تدوک آ 10 سال اٹی، 200،000 براہ راست و بالواسطہ ملازمت ودی کروک آ 30 آن زیات ڈٹ پورو مسنو و پین شونداری نا چندی ریسہ غاتیٹی ءُ، ہراپائیدار اقتصادی شونداری اسہ تواراس قائم کننگ ءُ۔داکان بیدس 6000 میگاواٹ آن زیات بجلی نیشنل گریڈ اٹی شاغنگانے، 809 کلومیٹر ہائی وے اس جوڑ کننگانے و پاکستان نا تاریخ اٹ اولیکو وار886 کلومیٹر ٹرانسمیشن لائن خلنگانے۔ 10 سال مست تینا جوڑ مننگ آن پد آن سی پیک پاکستان نا بنداوی پنجر نا منظرنامہ ءِ بدل کرینے۔ اکتوبر 2022 اسکان 6،370 میگاواٹ آن زیات نا جم لائخی نا 11 ڈٹ پورو مسنو۔ سی پیک نا ارٹ میکو ریسہ ٹی نئے بیرہ دا ڈٹ انا دنگ بلکن رفتار ءِ ہم ترند کننگک۔ حکومت دا ڈٹ ءِ پبی وڑاٹ مون آدننگ کن سنبرینگوک ءِ۔ تین پہ تینی کمکاری ءِ پین مون آدننگ کن وزارت ڈٹ بندی شونداری واصلاحات دے ونن لگوک ءِ، ہرانا کاریم چندی بشخ آتیٹی کمکاری ءِ ودفنگ و آخبت اٹ سی پیک نا ڈٹ آتیا عملدرآمد ءِ پک کروئی مریک۔ سی پیک ڈٹ آتا رفتار ءِ ترند کننگ کن المی انسانی وسیلہ غاتون جوان وڑاٹ لیس کننگک۔
