کوئٹہ ۔ 25 اگست (اے پی پی) بلوچستان نا ضلع لسبیلہ ٹی ایران آن بروک آ بس انا تمنگ آن 11 بندغ زوال 33 ٹھپی مسنو۔ پولیس نا رداٹ یک شنبے نا سہب اتون شکست نا گواچی مروک آ بس اٹی پنجاب آن تعلق تخوک آ زائر آک سوار ئسر ہرا ایران و عراق آن پدی گوادر نا کسرپاکستان آسرمسوسر و کراچی نا کسر لاہور آ ہنارہ۔ ترجمان بلوچستان حکومت شاہد رند نا رداٹ شکست اٹی 33 زائر ٹھپی مسنوہرافتیان 7 زیات ٹھپی تے ڈی ایچ کیو اوتھل وخت اس کہ 25ٹھپی جام غلام قادر ہسپتال لسبیلہ غا گدریفنگانے۔ بس شکست مکران کوسٹل ہائی وے آ بوزی ٹاپ نا خڑک ترند رفتاری نا سوب آن پیش بس ۔ ترجمان حکومت بلوچستان پارے کہ شکست نا گواچی بس ءِ کھڈآن کشنگ نا کاریم برجاءِ۔گمانی وڑاٹ اسہ یا 2 زائر پین بس انا کیرغ مننگ نا گڑتی ءِ۔
