لاہور۔ 25 اگست (اے پی پی) ڈپٹی وزیراعظم و سینیٹر محمد اسحاق ڈار پارینے کہ پاکستان دنیا ٹی اسٹ انگاملک ءِ ہرا کلمہ طیبہ نا بنداوآ جوڑمس، ہرکس کہ داملک اتون غداری کرے بربادری اونا مقدر جوڑ مس، وخت اس ہم عہدہ غاتا رند اٹ ہنتوٹ، چندی حکومتی عہدہ غاتیا رہینگاٹ و مدام ملک انا خذمت ءِ کریٹ۔ داخیال آتا درشانی ءِ او یک شنبے نادےآ داڑے حضرت داتا گنج بخش علی ہجویری نا عرس مبارک نا ارٹ میکو روز محفل سماع آن تران کرساکرے۔ داوخت آ صوبائی وزیرخور بلال یاسین ہم اوڑتون اوار ئس۔ ڈپٹی وزیراعظم محمد اسحاق ڈار پارے کہ پاکستان دنیا ٹی اسٹ انگا ملک ءِ ہرا کلمہ طیبہ نا بنداو آ جوڑ مس۔ ہرکس کہ داملک اتون غداری کرے بھسکاری و بربادی اونا مقدر جوڑ مس، وخت اس ہم عہدہ غاتا رندا ٹ ہنتوٹ، کنے محمد نواز شریف نا ہر دور حکومت اٹ کیہی اہم عہدہ ملا، چندی عہدہ غاتیا فائز مننگ آ ای پاکستان نا پبی خذمت ءِ کریٹ و مدام تینا جند انا فائدہ غاتیا ملکی فائدہ غاتے اولیت تسونٹ۔ اوپارےکہ دااسہ روحانی ہیت اسے کہ ای ہراتم بی کام نا تعلیم ءِ پورو کریٹ ہمووخت آن ہلیس اینو اسکان حضرت داتاگنج بخش نا مزار آ حاضری تننگ اٹی اُٹ، دا ہمو ہستی تا یک طرفہ کرم ءِ ای تو اسہ گناہگار بندغ اسے اُٹ، دا اللہ تعالیٰ نا کرم نوازی مریک کہ او گناہگار اسے آن نیکی نا کاریم ہلے۔ اسحاق ڈار پارے کہ خواجہ صلی اللہ علیہ و آلہ وسلم سرکار فرمائفیکہ کہ ہراتم برصغیر نا دا ڈیہہ انا کنڈآ ہریوہ تو کنے داکان یخ ءُ تہواس بریک۔ محفل سماع ٹی تولوک مخلوق ءِ مخاطب کرسا ڈپٹی وزیراعظم پارے کہ ہراڑے نم اینو تولوک اورے داڑے کیہی فٹ کیچڑ مسکہ، داڑے مہالو کمرشل مارکیٹ اس جوڑ مروئی ئس ولدا داڑے مسیت اس جوڑ کننگا تانکہ جی ٹی روڈ آن مسیت اٹ داخلہ آسان مننگ کے۔
