اسپیکر قومی اسمبلی حاجی امتیاز احمد چوہدری ناپروڈکشن آرڈر جاری کرے

اسلام آباد۔ 24 اگست (اے پی پی) اسپیکر قومی اسمبلی سردار ایاز صادق این اے 68 منڈی بہاؤالدین آن باسک حاجی امتیا ز احمد چوہدری نا قومی اسمبلی دیوان اٹی بشخ ہلنگ کن  پروڈکشن آرڈر جاری کرے۔ ہفتہ نادے آ قومی اسمبلی سیکرٹریٹ نا میڈیا سیل آن جاری بیان نا رداٹ پروڈکشن آرڈر قومی اسمبلی نا دوشنبے 26 اگست 2024 آن بناکروک آ دیوان کن کننگانے۔ اسپیکر پروڈکشن آڈر قومی اسمبلی نا قاعدہ و ضابطہ نا طریق کار 2007 نا قاعدہ 108 نا رداٹ تروک آ واکداری تے کاریم اٹ اتسا جاری کرینے۔ منڈی بہاؤالدین آن قومی اسمبلی نا باسک حاجی امتیاز احمد چوہدری، ایف آئی آر نمبر 2024/17نا رداٹ مورخہ 24 جولائی 2024 آن اینٹی کرپشن اسٹیبلشمنٹ پنجاب نا حراست اٹی ءِ۔ قومی  اسمبلی سیکرٹریٹ نا کنڈآن ڈائریکٹر جنرل انٹی کرپشن اسٹیبلشمنٹ پنجاب گورنمنٹ آف پنجاب ءِ مراسلہ جاری کننگا۔ مراسلہ ٹی ممبر قومی اسمبلی حاجی امتیاز احمد چوہدری ءِ قومی اسمبلی نا دوشنبے  26 اگست 2024 آن بناکروک آ دیوان اٹی بشخ ہلنگ ءِ پک کننگ نا پارت کرے۔