ای پروکیورمنٹ ڈٹ ءِ اسہ تُو اٹی پورو کننگے، پروکیورمنٹ نا عمل نا بابت غا و  گڑتی تا ایسر کننگ نا نظام  ءِ گچین کننگ کن تھرڈ پارٹی ویلیڈیشن کرفنگے،شہباز شریف

اسلام آباد۔ 24 اگست (اے پی پی) وزیراعظم محمد شہباز شریف ای پروکیورمنٹ ڈٹ ءِاسہ تُو اٹی پورو کننگ نا پارت کرساپارینے کہ پروکیورمنٹ نا عمل نا بابت غاو و گڑتی تا ایسرکننگ نا نظام ءِ گچین کننگ کن تھرڈ پارٹی ویلیڈیشن کرفنگے۔ ہفتہ نادے آ وزیراعظم آفس نا میڈیا ونگ آن جاری پریس ریلیز نا رداٹ وزیراعظم محمدشہباز شریف نا کماشی ٹی الیکٹرانک پروکیورمنٹ ، ای ۔پاک ایکیوزیشن اینڈ ڈسپوزل سسٹم نا بابت دیوان ا س اڈ ہلک۔ داوخت آ وزیراعظم پارے کہ حکومت غٹ ہلوک آتا بابت شفاف وڑاٹ رائج کننگ کن پبی گام گیج کننگ اٹی ءِ۔ وزیراعظم پروکیورمنٹ نا عمل نا بابت غاو و گڑتی تا ایسر کننگ نا نظام ءِ گچین کننگ کن اونا تھرڈ پارٹی ویلیڈیشن نا پارت کرسا پارےکہ پروکیورمنٹ نا عمل نا بابت غا و و گڑتی تا ایسری نا نظام ءِ پروکیورنگ ایجنسی نا ماتحت بایدے مرے۔ دابابت قاعدہ و ضابطہ ٹی ترمیم کن گام گیج کننگے۔ وزیراعظم 2 بلین روپئی آن زیات نا غٹ شونداری ڈٹ آتا تھرڈ پارٹی ویلیڈیشن کرفنگ نا پارت کرے۔ وزیراعظم ءِ ای۔پروکیورمنٹ آ حوال تننگا۔ وزیراعظم ڈٹ آعملدرآمد اٹی سست روی آ ترندی نا درشانی ءِ کرے۔ وزیراعظم کاریم نا آب و پراسیس نا بے پورو مننگ آہم ناراضگی نا درشانی ءِ کرسا اسہ تُو اٹی ڈٹ انا پوروی نا پارت کرے۔وزیراعظم ءِ حوال اٹی پاننگاکہ ای پروکیورمنٹ نا ڈٹ پبلک پروکیورمنٹ ریگولیٹری ورلڈ بینک نا فنڈنگ آن 2017ٹی بناکرے، ای پروکیورمنٹ نا ڈٹ انا کل خڑچ 45 ملین امریکی ڈالر ز ءِ، بنجائی حکومت نا 37 وزارت و 301 پروکیورنگ ایجنسی تیٹی ای پروکیورمنٹ نافذ مسنے۔ حوال اٹی پاننگاکہ پی پی آراے نا کنڈآن پروکیورنگ ایجنسی تا 8988 آفیشل آتے ای پروکیورمنٹ نا تربیت تننگانے ، بنجائی حکومت نا ای پروکیورمنٹ نا بابت کچ کم وود 1551 بلین روپئی ءِ، ای پروکیورمنٹ نا بابت پنجاب، سندھ، خیبرپختونخواوآزاد جموں وکشمیر نا حکومت آتون مفاہمتی یات داشت آتیا دستخط کننگانے۔ دیوا ن اٹی بنجائی وزیر اقتصادی امور احدخان چیمہ ، بنجائی وزیر خزانہ ومحصولات محمد اورنگزیب ، وزیرپیٹرولیم مصدق ملک ، وزیراعظم نا کوآرڈی نیٹر رانا احسان افضل و تعلقدار بڑزکو سرکاری آفیسر آک بشخ ہلکر۔