بنجائی سیکرٹری حوالکاری و پرنسپل انفارمیشن آفیسر نا بیورو چیف ایکسپریس نیوز عامر الیاس رانا نا لمہ نا کزیت آ ہڑزخواہی نا درشان

اسلام آباد۔ 24 اگست (اے پی پی) بنجائی سیکرٹری حوالکاری و شینکاری عنبرین جان و پرنسپل انفارمیشن آفیسر مبشرحسن ایکسپریس نیوز اسلام آباد نا بیورو چیف عامر الیاس رانا نا لمہ نا کزیت آ ڈکھیائی و است ہسونی نا درشانی ءِ کرینو۔ ہفتہ نادے آ تینا ہڑزخواہی بیان اٹی بنجائی سیکرٹری حوالکاری پارے کہ عامرالیاس رانا نا لمہ نا کزیت نا خبر ءِ بنگٹ بھاز است ہسونی مس۔ اوپارے کہ لمہ نا کزیت بھلو سانحہ سے، لمہ نا جتائی اسہ حقیقت اسے اودے امنا کننگ و صبر کننگ ہی وخت انا خواست ءِ۔ بنجائی سیکرٹری حوالکاری و پی آئی او ئسک پاریر کہ غم انا داساہت اٹی خاہوت تون تفوک اُن۔ اوفک دعاکریر کہ اللہ تعالیٰ ایماندار ءِ کروٹ کروٹ جنت الفردوس اٹی جاگہ ایتے و نمے صبر وہمت اٹ دا صدمہ ءِ سگنگ نا توفیق ایتے۔