اسلام آباد۔ 24 اگست (اے پی پی) بنجائی وزیر حوالکاری ، شینکاری ، قومی میرات و دودوربیدہ عطاء اللہ تارڑ بیورو چیف ایکسپریس نیوز اسلام آباد عامر الیاس رانا نالمہ نا کزیت آ ڈکھیائی و است ہسونی نا درشانی ءِ کرینے۔ ہفتہ نادے آ تینا ہڑزخواہی بیان اٹی بنجائی وزیر حوالکاری خاہو ت تون ہڑزخواہی و ہمدردی نا درشانی ءِ کرسا پارے کہ لمہ ہندن ءُ عظیم ہستی اسے، ہرانا ہچ ءُ بدل اس اف۔ اوپارے کہ ایماندار نا کزیت پدسلوک خاہوت کن بے بدل نسخان و بھلو صدمہ اسے، ایماندار نا کزیت آن ودی مروک آ خورکی اسُل پُرمننگ کپک۔ اوپارےکہ عامر الیاس رانا و اونا خاہوت نا غم اٹی بریبر نا شریک اُن۔ بنجائی وزیر حوالکاری دعاکرے کہ اللہ تعالیٰ ایماندار ءِ جنت اٹ بڑزکو ہند اس و خاہوت ءِ صبر وجمیل عطاکے۔
