اسلام آباد۔ 24 اگست (اے پی پی) وزارت جان جوڑی اسلام آباد اٹی رکھوک و آب اٹ دوائی تا فراوانی کن انقلابی گام ہرفسا ڈرگ کنٹرول ایڈمنسٹریشن اینڈ ہیلتھ ڈیپارٹمنٹ کن 33 کروڑ روپئی ناڈٹ انا منظوری ءِ تسنے۔ ہفتہ نا دے آ ترجمان وزارت جان جوڑی نا کنڈآن جاری بیان اٹی پاننگانے کہ ڈٹ انامسخت بنجائی دارالحکومت اٹی بہاکروک آ دوائی تا کوالٹی ءِ پک کننگ ءِ۔ کوآرڈی نیٹر جان جوڑی ڈاکٹر مختار احمد بھرتھ پارے کہ پوسکن آ ٹیکنالوجی رامن سپیکٹو فوٹو میٹرز موبائل ڈرگ ٹیسٹنگ ایکویپمنٹ نا کمک اٹ جعلی دوائی تا وخت آ شناخت ءِ کننگک، فارمیسیز /میڈیکل اسٹورز آتا کمک اٹ بہاکروک آ دوائی تا آب ءِ ہم ٹیسٹ کننگک، سرکاری ہسپتال آتا کمک اٹ فراوان کروک آ دوائی تا کوالٹی نا ٹیسٹنگ ءِ ہم کننگک، اوپارے کہ پروجیکٹ نا کمک اٹ ڈرگ انسپکٹرز نا کچ 3 آن ودفسا 6 کننگک، داوخت آ اسلام آباد اٹی 1500 نا خڑک سیل ادارہ کاریم کننگ اٹی ءُ، ڈرگ کنٹرول ایڈمنسٹریشن ءِ فیلڈ مانیٹرنگ کن 5 گاڈی فراوان کرسا لاجسٹک وڑاٹ سوگو کننگک۔ اوپارےکہ فارماکوویجیلنس سینٹر اسلام آباد جوڑ کننگ انگ ءِ ، فارماکوویجیلنس نانظام ءِ فارماکوویجیلنس آفیسر آتا خذمت دوئی کرسا ہم سوگو کننگک، ایڈورس ڈرگ ریکشن آن مچ ا دنیاٹی مرک مریک۔ ڈاکٹر مختار احمد بھرتھ پارے کہ فارماکوویجیلنس سینٹر ز تشخیص کن ادارہ غاتیان ایڈورس ڈرگ ری ایکشن نا ڈیٹاءِ یکجا کیک، ڈیٹاءِ پین کارروائی کن ڈریپ نا نیشنل فارماکوویجیلنس سینٹرآتون شیئرکننگک۔ اوپارے کہ داڈٹ ءِ 2سال اٹی سینئر ڈرگ انسپکٹر ، محکمہ جان جوڑی ، اسلام آباد نا چاروکی ٹی پورو کننگک۔
