ایم پاکس آن بچفنگ کن غٹ تر المی گام گیج آتے پک کننگ اُن، ڈاکٹر مختار احمد بھرتھ

اسلام آباد۔ 21 اگست (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ پارینے کہ ایم پاکس آن بچفنگ کن غٹ تر المی گام گیج آتے پک کننگ اُن، غٹ بالی پٹ و ڈغاری پترینگوک آ کسر تیا ہیلتھ ورکر و نان ہیلتھ ورکرآتا تربیت نا بناءِ  ہم کرینن۔ چارشنبے نادے آ وزارت جان جوڑی آن جاری بیان نا رداٹ داخیال آتا درشانی ءِ او تیناکماشی ٹی ایم پاکس نا جاچ دیوان اٹی گپ وتران کرسا کرے۔ دیوان اٹی ڈی جی ہیلتھ قومی ادارہ جان جوڑی نا چاہندارآک ہم بشخ ہلکر۔ دیوان اٹی بارڈر ہیلتھ سروسز نا کنڈآن غٹ بالی پٹ و انٹری پوائنٹ آتیا منکی پاکس یا ایم پاکس دین آن بچنگ کن برجاگام گیج آتا بارواٹی حوال تننگا۔ داوخت آ ڈاکٹر مختار احمد بھرتھ پارے کہ ایم پاکس آں بچنگ کن غٹ تر المی گام گیج آتے پک کننگ اُن، غٹ بالی پٹ و ڈغار ی داخلی کسر آتیا ہیلتھ ورکرو نان ہیلتھ ورکرآتا تربیت نا بناءِ ہم کرینن۔ اوپارے کہ غٹ بھلا بالی پٹ آتیا سکینر آک پورو وڑاٹ فعال ءُ۔ سکریننگ و سرویلینس نا گچین نظام ساڑی ءِ، ڈبلیو ایچ او نا ایس اوپی تیا عملدرآمد ءِ پک کننگ اُن و ہڑدے ئی بنداو آ حالیت آتا سخت چاروکی ءِ کننگ انگ ءِ۔