اے این ایف نا سیالکوٹ اٹی بھلو کارروائی اس، منشیات دوئی، دوبہ دار دزگیر

اسلام آباد۔ 20 اگست (اے پی پی) اینٹی نارکوٹکس فورس (اے این ایف ) سیالکوٹ اٹی اسہ بھلو کارروائی اس کرسا منشیات نا بھلو کھیپ اس دوئی کرسا دوبہ دار دزگیرکرے۔ ترجمان اے این ایف نا رداٹ اے این ایف سیالکوٹ و پنجاب پولیس تحصیل ڈسکہ ٹی اسیجائی کارروائی ٹی 10.2 کلوگرام منشیات ، اِرا موٹرسائیکل و سلہہ دوئی کرے، کارروائی ٹی نرنگ نا کوشست کروک آ دوبہ دار اے کے۔ 47و30 بور آن اے این ایف ٹیم آ سم کاری کرے ولے اے این ایف ٹیم گچین ورندی کارروائی کرسا دوبہ دار ءِ دزگیرکرے۔ ترجمان پارے کہ منشیات نا اسمگلنگ نا برخلاف جنگ اٹ اے این ایف ٹیم انا دا اسہ بھلو کارروائی اسے۔ دزگیر دوبہ دار نا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔