اسلام آباد۔ 20 اگست (اے پی پی) اسپیکر قومی اسمبلی سردار ایاز صادق بیلسٹک میزائل شاہین IIانا سرسہب لانچنگ آ پاک فوج ، سائنسدان و انجینئرآتے مبارکبادی تسنے۔ سے شنبے نادے آ تینا تہنیتی کلہو اٹی اوپارے کہ شاہین IIنا سرسہب آزموندہ غان ملک انا دفاعی لائخی پین سوگو مریک، مچ آقوم ءِ لائخ سائنسدان و انجینئر آتیا گمر ءِ، شاہین IIمیزائل نا سرسہب آزموندہ پاک فوج، سائنسدان و انجینئر آتا خواری و لگن نا نتیجہ ءِ۔ اوپارے کہ دفاعی ادارہ، لائخ آ سائنسدان و انجینئرآتا ملکی دفاعی لائخی ءِ ودفنگ کن خذمت ستاکڑزک۔
