وزیراعظم شہباز شریف نا پائلٹ آفیسر راشد منہاس نشان ءِ حیدر ءِ اونا 53 می شہیدی دے آ خراج عقیدت

اسلام آباد۔ 20 اگست (اے پی پی) وزیراعظم محمد شہباز شریف پائلٹ آفیسر راشد منہاس نشان ءِ حیدر نا 53 می شہیدی دے آ اودے خراج عقیدت پیش کرسا پارینے کہ پائلٹ آفیسر راشد منہاس نا فرض شناسی ، ہمت و بہادری و وطن نا رکھ انا قول انا پاسداری ورناچین کن اسہ درور اسے۔ سے شنبے نادے آ  وزیراعظم آفس نا میڈیا ونگ آن جاری بیان نا رداٹ وزیراعظم پارے کہ پائلٹ آفیسر راشد منہاس نشان ءِحیدر جیرت و بہادری نا عظیم درور اس قائم کرسا شہیدی ناجام ءِ نوش کرے، پائلٹ آفیسر راشد منہاس نشان ءِ حیدر تینا جون ءِ ندر کرسا ملک دشمن غدار نا ناپاک عزم ءِ مش تاکرے۔ وزیراعظم پارے کہ پائلٹ آفیسر راشد منہاس نشان ءِ حیدر نا فرض شناسی ، ہمیت و بہادری و وطن نا رکھ انا قول انا پاسداری ورناچین کن اسہ درور اسے، کنتون اوار مچ آقوم پاک فضائیہ نا دا بہادر گلزادہ ءِ سلام پیش کیک۔ وزیراعظم پارے کہ قوم پاکستان نا فوج انا ورنا و آفیسر آتا لمہ وطن نا رکھ اکن قربانی تے اسُل است آن دننگ کپک۔