صدر مملکت آصف علی زرداری نا ساڑی آ پِر تیٹی ملک انا چندی بشخ آتیٹی جونی و مالی نسخان تیا است ہسونی نا درشان

اسلام آباد۔ 02 اگست (اے پی پی) صدر مملکت آصف علی زرداری ساڑی آ پِر تیٹی ملک انا چندی بشخ آتیٹی جونی و مالی نسخان آ است ہسونی نا درشانی ءِ کرسا پِر تیان زہمی مخلوق کن کمکی سرجزآتے ترند کننگ نا گرج آ زور شاغانے۔ جمعہ نادے آ ایوان ءِ صدر نا پریس ونگ آن جاری بیان نا رداٹ صدر مملکت پِر تا سوب آن شکست آتیٹی زوال کروک آ بندغ آتا خاہوت آتون ہڑزخواہی کرینے۔ اوپارے کہ پِر تتون گنڈوک شکست و نہادی جونی نسخان تیان بچنگ کن رکھی گام گیج اختیار کننگ ناگرج ءِ۔ صدر مملکت پارے کہ شکست آتیان بچنگ و دِیر انا کشنگ کن انتظامیہ ءِ وخت آ گام گیج کروئی مریک۔ آصف علی زرداری شکست آتیٹی زوال کروک آ بندغ آتا بخشش و خاہوت کن صبر وجمیل نا دعاکرے۔