اسلام آباد۔ 26 جولائی (اے پی پی) اسپیکر قومی اسمبلی سردار ایاز صادق تون جمعہ نادے آ پاکستان اٹی اٹلی نا سفیر میر یلیناارمیلن اوڑدہی کرے ہراٹی پاک اٹلی ہڑتوم آ کنڈآتا پارلیمانی و واپاری تعلقداری تون اوار ایلو امور آ گپ وتران کننگا۔ اسپیکر داوخت آپارے کہ پاکستان اٹلی تون تینا دیرینہ دوستانہ تعلقداری تے بھاز اہمیت ایتک، ہڑتوم آملک آتا تعلقداری مدام خیرخواہی و پت آ تالان مسنے۔ اسپیکر پارے کہ پاکستان اٹلی تون اوار غٹ سنگت ملک آتون تین پہ تینی تعلقداری ءِ پین ودفنگ نا خواہندار ءِ، پارلیمانی سفارتکاری نا کمک اٹ ہڑتوم آ ملک آتا الس ءِ پین خڑک اتنگ مریک، پارلیمانی ڈل آتا ہن و بر و فعال پاک۔ اٹلی پارلیمانی فرینڈ شپ گروپ تون تین پہ تینی تعلقداری پین سوگو مریک۔ اطالوی سفیر اسپیکر نا اٹلی نا خیرخواہی نا جوزہ غاتا درشان و ہڑتوم آ کنڈآتا تعلقداری تے پین ودفنگ نااست خواہی آ منت واری ءِ ہرفے و اٹلی نا پاکستان تون سٹریٹجک پارٹنر شپ ءِ پین ودفنگ نااست خواہی نا درشانی ءِ کرے۔
