اسلام آباد۔ 10 ستمبر (اے پی پی) قومی اسمبلی ءِ پاننگانے کہ یوٹیلیٹی اسٹورزکارپوریشن نا بندکننگ نا فیصلہ متنے، شریدار آتا سلابت اٹ داادارہ نا ری اسٹرکچرنگ ءِ کننگک۔ سے شنبے نادے آقومی اسمبلی ٹی پاک ڈبلیو ڈی و یوٹیلیٹی اسٹور آتا بند کننگ آن ملازم آتا بے روزگار مننگ نا بابت آصفہ بھٹو زرداری، سیدنوید قمر، راجہ پرویز اشرف و ایلوفتا چکاری نوٹس آ بنجائی وزیر صنعت و پیدوار رانا تنویر حسین پارے کہ یوٹیلیٹی اسٹورآتے بند کپننگ انگ ءِ، ای مہالوہم وضاحت کرینٹ کہ بیرہ ادارہ غاتا ری اسٹرکچرنگ ءِ کننگ انگ ءِ، ملازم آتا پورو رکھ ءِ کننگک۔ اوپارےکہ ری اسٹرکچرنگ اٹی ملازم آتا نمائندہ غاتون اوار غٹ تعلقدار شریدار آتون سلابت کننگک۔ یوٹیلیٹی المی ادارہ ءِ و اہم خذمت سرتننگ ءِ۔ ایس او ایز آرڈی ننس اٹی پیدوار ءِ کہ المی ادارہ غاتا نجکاری یا اوفتے بند کننگ پننگک۔ آصفہ بھٹو زرداری نا ضمنی سوج آ او پارے کہ کابینہ نا کارروائی ٹی ہندن ءُ لوز اس بسنے ہراڑآن ابہام ودی مس ولے نن سرجمی اٹ حالیت آتے پیدوار کرینن، داادارہ بھٹو شہید جوڑ کریسس و دانا مسخت لس مخلوق ءِ ریلیف تننگ ئس، وخت اتون اوار اوار بی آئی ایس پی کون آ ادارہ غاک ہم جوڑ مسر، بی آئی ایس پی نا بجٹ 600 ارب نا خڑک سرمسنے، یوٹیلیٹی اسٹور آتیکن 60 ارب روپئی نا سبسڈی نا ہم منظوری ءِ تننگانے تانکہ مخلوق ءِ اڑزآن و آب اٹ گڑاتا فراوانی ءِ پک کننگ مرے۔ اوپارے کہ وزیراعظم تینٹ ہم خواہک کہ لس مخلوق ءِ سہی وڑاٹ ریلیف فراوان کننگے۔ گڑاتے جوان کننگ انگ ءِ، بیرہ یوٹیلیٹی اسٹور آتے آخا بلکن ایلو ادارہ غاتا گچینی کن ہم گام گیج کننگ انگ ءِ۔
