کوئٹہ۔ 30 جولائی (اے پی پی) گورنر بلوچستان جعفر خان مندوخیل تون جنرل منیجر پی آئی اے بلوچستان عبدالغفار میاں خیل نا کماشی ٹی پی آئی اے ٹیم اوڑدہی کرے و کوئٹہ غان سعودی عرب کن براہ راست جہاز انا بابت گپ وتران کرے، گورنر 6 است آ کوئٹہ آن سعودی عرب عمرہ فلائٹ نا باقاعدہ بناءِ کیک۔ اوڑدہی ٹی گورنر پارے کہ بلوچستان نا الس ءِ کوئٹہ غان ڈائریکٹ سعودی عرب آ ہِننگ نا آسراتی فراوان کننگ ستاکڑزوک ءُ گام اسے، کوئٹہ غان قومی ایئرلائن نا فلائٹ آپریشن ءِ ہڑدے ئی بنداو آ پک کینہ۔ اوپارے کہ کوئٹہ بالی پٹ آ مسافر آتیکن اے ٹی ایم ، بنائی طبی امداد و کرنسی ایکسچینج نا آسراتی ءِ ہم فراوان کینہ۔ اونا پاننگ ئس کہ پی آئی اے نا کوئٹہ ٹو سعودی عرب براہ راست جہاز آتا بناکننگ نا گام گیج ستاکڑزک، نن بلوچستان نا الس کن ہوائی سفر نا آسراتی نا فراوانی ءِ پک کننگ آ وزیراعظم محمد شہباز شریف نا منت وار اُن۔ گورنر کوئٹہ انٹرنیشنل بالی پٹ آ مریض وٹھپی مسافر آتے ہم غٹ سفری آسراتی فراوان کننگ آ زور شاغا۔ یات سلے کہ عمرہ فلائٹ آتا کمک اٹ بیرہ عمرہ زائرآخا بلکن سعودی عرب اٹی رہینگوک آ غٹ پاکستانی تے ہم دا ہوائی سفر نا آسراتی دُوبریک۔
