پشین۔ 02 اگست (اے پی پی) ڈپٹی کمشنر پشین جمعہ داد مندوخیل پارینے کہ حکومت الس ءِ جان جوڑی و درمان نا آسراتی تا فراوانی کن گام گیج کننگ اٹی ءِ، میل فی میل ڈاکٹر و پیرامیڈیکل اسٹاف تینا ڈیوٹی آ حاضری ءِ پک کیر، میڈیکل آفیسر آک ہفتہ ٹی چار چار دے تینا ڈیوٹی تے ایترہ، ڈیوٹی ٹی ڈیوالئی و لاپرواہی ءِ سگنگ پننگک۔ داخیال آتا درشانی ءِ او سول ہسپتال پشین اٹی کینٹین نا بناو سول ہسپتال نا چندی بشخ آتا دورہ نا وخت آ گپ وتران کرساپارے۔ داکان مست سول ہسپتال پشین نا میڈیکل سپرینٹنڈنٹ ڈاکٹر وکیل خان شیرانی ڈپٹی کمشنر پشین ءِ حوال تس و ہسپتال نا ویل آتیان معلومدار کرے۔ داوخت آ میونسپل کارپوریشن میئر سردار اکبر خان ترین ڈاکٹر مسعود خان پیرامیڈیکل اسٹاف فیڈریشن نا مرکزی صدر فضل الرحمان کاکڑ، ریسکیو 1122 نا ڈسٹرکٹ آفیسر یاسر خان ترین، ڈپٹی ڈسٹرکٹ پولیس آفیسر محمد عبداللہ ، ینگ ڈاکٹرز ایسوسی ایشن نا صدر ڈاکٹر شبیر احمد، خان کارپوریشن نا باسک حاجی نیک محمد خان، ڈاکٹر رمضان خان و ایلوفک ہم ساڑی ئسر۔
