اسلام آباد۔ 21 اگست (اے پی پی) چیئرمین سینیٹ سید یوسف رضاگیلانی ایران اٹی پاکستانی زائر آتا بس ءِ پیش بروک آ شکست اٹی مروک آ جونی نسخان آ است ہسونی نا درشانی ءِ کرینے۔ چارشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ زوال کروک آتا خاہوت آتون ہڑزخواہی نا درشانی ءِ کرینے۔ اوپارے کہ زائر آتا بس ءِ پیش بروک آ شکست نا بنگٹ بھاز ڈکھیائی مس۔ دامشکل ساہت اٹی غمزدہ خاہوت آتا ڈکھیائی ٹی بریبرنا شریک اُٹ۔ چیئرمین سینیٹ شکست اٹی زوال کروک آتابخشش کن دعاکرے۔ اللہ تعالیٰ خاہوت ءِ صبر وجمیل عطاکے۔ ٹھپی تا زوت دراخ جوڑی کن ہم دعا کیوہ۔ داکان بیدس ڈپٹی چیئرمین سینیٹ سیدال خان ہم داواقعہ غا ڈکھیائی و است ہسونی نا درشانی ءِ کرے۔
