اسلام آباد۔ 24 اگست (اے پی پی) چیئرمین سینیٹ سید یوسف رضاگیلانی بلوچستان نا علاقہ پشین اٹی پولیس لائن نا خڑک مروک آ دھماکہ نا ترند انگا لوز آتیٹی مذمت ءِ کرینے۔ سینیٹ میڈیا ونگ آن جاری بیان نا رداٹ چیئرمین سینیٹ سید یوسف رضاگیلانی جلہو اٹی شہید مروک آ کم سن چناتا خاہوت آتون ہڑزخواہی نا درشانیءِ کرسا پارے ک پولیس لائن نا خڑک دھماکہ نا بنگٹ بھاز ڈکھیائی مس۔ مشکل نا داساہت اٹی غمزدہ خاہوت آتا ڈکھیائی ٹی بریبر نا شریک اُٹ۔ چیئرمین سینیٹ پارے کہ دہشت گرد آک بلوچستان اٹی شونداری نا عمل ءِ لتاڑنگ خوارہ۔ دہشت گرد آتا تعلق اسہ مذہب اسےآن ہم مفک او انسانیت نا خونیک ءُ ۔ چیئرمین سینیٹ خاہوت آتیکن صبر وجمیل و ٹھپی تا زوت دراخ جوڑی کن دعاکرے۔ ڈپٹی چیئرمین سینیٹ سیدال خان، قائد ایوان سینیٹ سینیٹر اسحاق ڈار قائد حزب اختلاف سینیٹ سینیٹر سید شبلی فراز ئسک ہم دااست ہسون واقعہ نا مذمت ءِ کریر۔
