چوہدری سالک حسین نا مکران کوسٹل ہائی وے آ زائر آتا بس ءِ شکست آ ڈکھیائی و است ہسونی نا درشان

اسلام آباد۔ 25 اگست (اے پی پی) بنجائی وزیر مذہبی امور و بین المذاہب ہم آہنگی چوہدری سالک حسین مکران کوسٹل ہائی وے آ زائر آتا بس ءِ شکست آ ڈکھیائی و است ہسونی نا درشانی ءِ کرینے۔ یک شنبے نادے آ  تینا ہڑزخواہی بیان اٹی اودلی ہڑزخواہی نا درشانی ءِ کرساپارے کہ داشکست اٹی نہادی جون تا زیان نا خبر نا بنگٹ کنے بھاز ڈکھیائی مسنے۔ اوایماندار تیکن دعاکرے کہ اللہ تعالیٰ ایماندار ءِ جنت اٹ جاگہ ایتے۔ اوٹھپی تا زوت دراخ جوڑی کن دعاہم کرے۔ بنجائی وزیر پارے کہ دامشکل وخت اٹی غمزدہ خاہوت آتے تینا یکجہتی نا باوری کرفے و پارے کہ نن غمزدہ خاہوت آتا ڈکھیائی نا ساہت اٹی اوفتے تون تفوک اُن۔