اسلام آباد۔ 02 اگست (اے پی پی) پارلیمنٹ ہاؤس اٹی مسکوہی فلسطینی وزیراعظم اسماعیل ہنیہ نا غائبانہ نماز جنازہ ءِ خواننگا۔ نماز جنازہ ٹی وزیراعظم شہباز شریف ، نائب وزیراعظم و وزیرخارجہ اسحاق ڈار، اسپیکر قومی اسمبلی سردار ایاز صادق، بنجائی وزیر حوالکاری وشینکاری عطاء اللہ تارڑ ، بنجائی وزیر کانود، انصاف و پارلیمانی امور اعظم نذیر تارڑ ، پاکستان پیپلزپارٹی نا راہشون مسکوہی وزیراعظم و مسکوہی اسپیکر قومی اسمبلی راجہ پرویز اشرف ،سید نوید قمر، پی ٹی آئی نا راہشون بیرسٹر گوہر علی خان ، عامرڈوگر تون اوار چندی سیاسی جماعت آتیان تعلق تخوک آ پارلیمنٹ نا باسک، قومی اسمبلی وسینیٹ نا آفیسر و ملازم و میڈیا نا نمائندہ غاک ہم بھلو کچ اسے ٹی بشخ ہلکر۔ غائبانہ نماز جنازہ پارلیمنٹ ہاؤس نا جامع مسیت نا خطیب مفتی احمد الرحمان خوانفے۔ داوخت آ اسماعیل ہنیہ نا روح انا ثواب و فلسطین نا آجوئی، فلسطینی الس ءِ مون تروک ویل آتاچٹفنگ و امت مسلمہ نا یکجہتی کن ہم خصوصی دعاکننگا۔
