اسلام آباد۔ 24اگست (اے پی پی) وزیراعظم محمد شہباز شریف پشین اٹی پولیس لائنز نا خڑک دھماکہ نا ترندی اٹ مذمت ءِ کرسا چنکا چناتا شہیدی آ ڈکھیائی و غم انا درشانی ءِ کرینے۔ ہفتہ نا دے آ وزیراعظم آفس نا میڈیا ونگ آن جاری بیان نا رداٹ وزیراعظم شہید چناتا خاہوت آتون ہمدردی نا درشانی ءِ کرسا واقعہ ٹی ٹھپی مروک آ پولیس کارندہ غاتون اوار ایلوبندغ آتا دراخ جوڑی کن دعاکرے و ٹھپی تے گچین طبی آسراتی تا فراوانی ءِ پک کننگ نا پارت کرے۔ وزیراعظم پارے کہ واقعہ نا زموار آتا پیدواری ءِ کرسا اوفتے سخت سزاترفنگے۔ وزیراعظم پارے کہ چنکا چناتیا جلہو گیر مروک آ لغور دہشت گرد آک انسان پاننگ نا حقدار افس، ملک آن دہشت گردی نا عفریت نا چٹفنگ اسکان اونا برخلاف جنگ ءِ برجاتخنہ۔
وزیراعظم محمد شہباز شریف نا پشین اٹی پولیس لائنز نا خڑک دھماکہ نا ترندی اٹ مذمت، چنکا چناتا شہیدی آ ڈکھیائی وغم انا درشان
متعلقہ خبریں
