اسلام آباد۔ 11 ستمبر (اے پی پی) وزیراعظم محمد شہباز شریف مسکوہی خاتون اول و پاکستان مسلم لیگ (ن) نا صدر محمد نواز شریف نا اُرائی کلثوم نواز نا شش می برسی آ اودے خراج عقیدت پیش کرینے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارےکہ ایڑھ کلثوم نواز نا کزیت نا غم ءِ ننا مچ آخاہوت نئے وخت اس است آن درینے و نئے است آن دننگ کیک۔ لمہ ءِ جمہوریت کلثوم نواز نا ملک و قوم و جمہوریت کن خذمت آتے خراج تحسین پیش کینہ۔ کلثوم نواز بطوراُرائی، لمہ ، ایڑھ و سیاسی قائد ، جیرت و بہادری و صبر واستقامت نا ناقابل فراموش تاریخ اس نوشتہ کرے۔ وزیراعظم پارے کہ پاکستان مسلم لیگ (ن) نا صدر محمد نواز شریف کن اواسہ فولادی ڈھال اس ئس۔ آمریت نا برخلاف اونا گمرنا قابل و یات گار تحریک سیاسی تاریخ نا روشنا بشخ ءِ۔ اسلام، قرآن و نبی اکرم ﷺتون عقیدت ومہرومریبت کلثوم نواز صاحبہ نا مچ آ زند انا معمول ئس۔ او دے ٹکی روایت و قدر انا پیکرئس، بھلا تا شرف و چنکاتیا شفقت و مدام دانائی نا ہیت ءِ کننگ اونا شخصیت نا بشخ ئس۔ وزیراعظم دعاکرے کہ اللہ تعالیٰ اونا درجہ غاتے بڑزکے۔
