وزیراعظم شہباز شریف نا ایران نا شار یزد انا خڑک بس شکست اٹی پاکستانی شاری تا شہیدی آ است ہسونی نا درشان

اسلام آباد۔ 21 اگست (اے پی پی) وزیراعظم محمد شہباز شریف ایران نا شار یزد انا خڑک بس شکست اٹی پاکستانی شاری تا شہیدی آ است ہسونی نا درشانی و شہید آتا خاہوت آتون ہڑزخواہی نا درشانی ؂ءِ کرینے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہید آتا درجہ غاتیکن بڑزی و خاہوت کن صبر وجمیل نا دعاکرے۔ وزیراعظم ایران اٹی پاکستانی سفارت خانہ نا کمامدارآتے شہید آتا خاہوت آتا کمک و ٹھپی تا طبی امداد نا عمل ءِ ترند کننگ کن ایرانی حکومت تون خڑکی رابطہ تخنگ و شہید آتا میت آتے وطن آپدی اتنگ نا عمل ءِ ترند کننگ ناپارت کرینے۔