اسلام آباد۔ 21 اگست (اے پی پی) بنجائی وزیر نجکاری و زرکاری بورڈ و مواصلات عبدالعلیم خان پارینے کہ نسخان والا ادارہ غاتا نجکاری ءِ کرسا ملکی خزانہ نابھاریم ءِ کم کروئی ءِ۔ داخیال آتا درشانی ءِ او نجکاری کمیشن بورڈ انا دیوان نا کماشی ءِ کرسا کرے ہراٹی بنجائی سیکرٹری تون اوار بورڈ انا باسک آک بشخ ہلکر۔ دیوان اٹی ادارہ غاتا نجکاری آن تعلقدار اہم امورنامنظوری و ڈسکوز ، پی آئی اے و ایلو ادارہ غاتا نجکاری ناامور آسجفنگا۔ بشخ ہلوک آک پرائیویٹائز مروک آ ادارہ غاتیکن فنانشنل ایڈوائزرناتقرر و ایلو تکنیکی امور آ امنا کریر۔ بنجائی وزیر پارے کہ ادارہ غاتا نجکاری بے کچ اہم باندات اسے ہراٹی شفافیت ءِ پک کننگک۔ عبدالعلیم خان نجکاری کمیشن بورڈ انا داتم اسکان ناکارکڑد آ است جمی نا درشانی ءِ کرے۔ اوپارےکہ جہانی آب انا حامل ادارہ غاتیان فنانشل ایڈوائزرزنااوار مننگ ستاکڑزک۔ ننے گیشتر قومی مفاد اٹی گچین آن گچین و پبی فیصلہ کروئی مریک۔ عبدالعلیم خان پارے کہ قومی خزانہ ءِ بھاز نسخان مسنے، داسہ پین مالی زور ءِ سگنگ کپک،ہرا ادارہ ہم قاعدہ وضابطہ غاپورو سلے اودے نجکاری ناعمل اٹ ضرور اوارکیر۔ نجکاری کمیشن بورڈ ایلو امور آن بیدس بورڈ اناتدوک آدیوان ناکارروائی نا منظوری ءِ تس۔ بورڈ ءِ نیویارک آن پی آئی اے نا روزویلٹ ہوٹل نا تکنیکی امور و چندی گمان تیا حوال ہم تننگا۔
