اسلام آباد۔ 07 ستمبر (اے پی پی) ایشیاپیسفک ریجن کن میٹانا وائس پریذیڈنٹ پبلک پالیسی سائمن ملنر دی سینٹرم میڈیا (ٹی سی ایم) نا طلحہ احد تون پوڈ کاسٹ اٹی پاکستان اٹ جدت نا مخ تفی کن میٹا نا کاریم و ورناتیٹی زموار ڈیجیٹل سیٹیزن شپ انا مون آ دننگ آ گپ وتران کرسا پارے کہ میٹا نا منصوعی ذہانت اٹی زرکاری آ چکار کننگا ہراٹی پاکستان اٹی ساڑی میٹااے آئی و خاص کر اسلام آبادا ٹی ڈویلپرز کن میٹا Llama Pitchathon اڈتننگا۔ سائمن ملنر آن لائن کمیونٹی نا ٹہیفنگ اٹ میٹانا کوشست آتا اشتراک کرسا میٹا پلیٹ فارم آ رسینگ ءِ زیات آن زیات کننگ نا وڑہم سلاہ کرے۔ اوگلوبل ٹیک گورننس اٹی ہندی شریدار و گچین پالیسی سازی نا کڑد آ ہم ہیت کرے۔ اوپاکستان نا تخلیق کار و ڈیلپرز آتا کمیونٹی نا ستاءِ کرے۔ اوپاکستان نا ودوک آ ڈیجیٹل زرگزران اٹی کمکاری کن میٹا نا کڑد انا عزم انا درشانی ءِ ہم کرے۔
