اسلام آباد۔ 03 ستمبر (اے پی پی) فوجداری کانود (ترمیمی) بل 2024ء ءِ قومی اسمبلی ٹی پیش کننگا۔ سے شنبے نادے آ قومی اسمبلی نا دیوان اٹی سہیل سلطان تحریک پیش کرے کہ مجموعہ تعزیرات پاکستان 1860 و مجموعہ ضابطہ فوجداری 1898 ٹی پین ترمیم کننگ نا بل پیش کننگ نا موکل تننگے۔ اوبل انا سرجم حوال آتیان معلومدار کرسا پارے کہ اگہ لین دین نا باندات اٹی چیک باؤنس اس مرے تو اونا سزا بیرہ مسہ سال بندی و قابل ضمانت ءِ ، داڑآن ڈوہدار آسانی اٹ ضمانت آ رہامریرہ، داترمیم نا رداٹ 10 لکھ روپئی نا چیک باؤنس مننگ آ سزا مسہ سال بندی و 10 لکھ آن 50 لکھ اسکان پنچ سال، 50 لکھ آن اسہ کروڑ اسکان ہفت سال، اسہ کروڑ آن زیات آ دہ سال نا سزابایدے مرے۔ وزیرکانود سینیٹر اعظم نذیر تارڑ پارے کہ دابل ءِ کمیٹی آ گدریفنگے۔ تحریک نا منظوری آن پد سہیل سلطان بل پیش کرے ہرادے تعلقدار قائمہ کمیٹی آ گدریفے۔
