اسلام آباد۔ 11 ستمبر (اے پی پی) وزیردفاع خواجہ محمد آصف پارینے کہ راولپنڈی کنٹونمنٹ بورڈ اٹی سینٹری ورکرآتا خورک آسامی اف۔ چارشنبے نادے آ قومی اسمبلی نا دیوان اٹی وقفہ سوج آتیٹی ڈاکٹر شاہدہ رحمانی نا سوج انا ورندی ٹی خواجہ محمد آصف پارے کہ بکرامنڈی چوک، ٹاہلی موری و چکلالہ ٹی 6 سینٹری ورکرکاریم کریرہ، دا ورکرآک تینا زمواری تا ہند تعلقدار کمامدارآتے حوال تننگ آن بیدس بدل کننگانو ، دافک پین جاگہ غاتیا ہم کاریم کریرہ، داوخت آ کنٹونمنٹ بورڈ اتون ہچ ءُ آسامی اس اف ہرافتیا اوفتے تعینات کننگے۔ وزیردفاع نا پاننگ ئس کہ دا سینٹری ورکرآتون اسٹ آن زیات جاگہ غاتیاکاریم کننگ نا وارخواہی ساڑی ءِ و او تینا گزربسر کننگ ءُ، نناداڑے دانا ہچ ءُ ایسر اس اف۔
