اسلام آباد۔ 03 ستمبر (اے پی پی) دیوانی ملازمین (ترمیمی ) بل 2024 ء ءِ قومی اسمبلی ٹی پیش کننگا۔ سے شنبے نادے آقومی اسمبلی نادیوان اٹی نور عالم خان دیوانی ملازمین(ترمیمی) بل 2024 ءِ پیش کننگ ناموکل خوائس ہراڑآ وزیرکانود، انصاف و پارلیمانی امور سینیٹر اعظم نذیر تارڑ پارےکہ مہالو آن دارولز اٹی اوار ءِ کہ سروس نا بناآ داپیدوار کروئی مریک کہ دوہری شہریت ءِ یا آخا، ولداہم داطے ءِ کہ ہراسٹریٹجک پوزیشن ءِ ہراڑے دوہری شہریت والا تعینات مننگ کپک۔ اگہ ملازمت اٹی دوہری شہریت دوئی کروئی مرے تو اول حکومت آن این او سی درکارمریک۔ اوپارے کہ فوج اٹی دوہری شہریت ممنوع ءِ، پارلیمان نا باسک آتا دوہری شہریت ممنوع ءِ ، ایلو اسٹریٹجک ادارہ غاتیٹی ہم موکل اف، گڑاس ادارہ غاتیٹی ءِ۔ اسہ بھلو کچ اسے ٹی پاکستانی پردیسی تیکن پیشن ناملک اٹی سرکاری ادارہ غاتیٹی ملازمت کیرہ، داسوب آن ہم داموکل گڑاس ادارہ غاتیٹی ءِ۔ رفیع اللہ پارے کہ دابل داایوان آن منظور مننگ آن پد جاگہ اس غیب مس۔ اسپیکر تحریک نا منظوری ءِ ہلک اوکان پد نور عالم خان بل ءِ پیش کرے۔
