اسلام آباد۔ 03 ستمبر (اے پی پی) وزیراعظم نا جوڑ کروک سٹیرنگ کمیٹی جیمز اینڈ سٹونز نا چیئرمین بنجائی وزیر عبدالعلیم خان پارینے کہ جیمز اینڈ سٹون تے صنعت نا درجہ ترسا لکھ آ ڈالر کٹیا کننگ مریک، دا بشخ انا ری سٹرکچرنگ اہم انگا باندات ءِ ہرانا مشکل آتے ہلہلہ ئی بنداوتیا ایسر کروئی مریک، جیمز اینڈ اسٹون تیکن ننے امنائی ایجنڈااتون مون آ ہنوئی مریک۔ داخیال آتا درشانی ءِ او سے شنبے نادے آ سٹیرنگ کمیٹی نا دیوان نا کماشیءِ کرساکرے۔ دیوان اٹی نجی بشخ انا سلابت اٹ نہادی خل تا بابت ویل آتا اولیتی لڑتے گڈیکو دروشم اس تننگا۔ دیوان اٹی جیمز اینڈ اسٹون تیٹی گچینی اتنگ کن بھارت و ایلو ملک آتون تقابلی جاچ ءِ ہم ہلنگا۔ بنجائی وزیرپارے کہ جیمز اینڈ اسٹون تے صنعت نا درجہ ترسا لکھ آ ڈالر کٹیا کننگ مریک، دا بشخ انا ری اسٹرکچرنگ اہم انگا باندات ءِ ، دابشخ انا مشکل آتے ہلہلہ ئی بنداو تیا ایسر کروئی مریک، جیمز اینڈ سٹون تا بابت غٹ ادارہ غاتے فعال و بامسخت کروئی مریک، نہادی خل تیکن لاجسٹک، کوریئرسروس و پاکستانی سفارت خانہ غاتیان مارکیٹنگ نا ہم سلاہ تیا سجفنگ انگ ءِ۔ عبدالعلیم خان پارےکہ اصل مسخت آ چکار تخنہ و جیمز اینڈ اسٹون تیان زیات آن زیات فائدہ ہرفوئی مریک۔ وزیراعظم بروک آ شش تُو اٹی دا بشخ اٹی عملی و پیدوار پیش رفت خواہک۔ جیمز اینڈ اسٹون تیکن ننے امنائی ایجنڈاتون مون آ ہنوئی مریک۔ اوپارے کہ دا بشخ انا گچینی کن سلاہ تےزوت گڈیکو دروشم اس ترسا پالیسی جوڑ کروئی ءِ۔ جیمز اینڈ اسٹون تا اسہ چھتری نا کیرغ مننگ و باقاعدہ سٹرکچر جوڑ مننگ بھاز المی ءِ۔ پیٹرولیم انڈسٹری وکامرس نا وزارت آتا آفیسر آتے آن بورڈ ہلنگک۔ چیئرمین اسٹیئرنگ کمیٹی پارت کرے کہ غٹ تعلقدار ادارہ غاک آن بورڈ مرسا جیمز اینڈ سٹون کن امنائی پالیسی اس ٹہیفر۔ بنجائی وزیر و چیئرمین سٹیئرنگ کمیٹی حکومتی پالیسی جوڑ کننگ کن سب کمیٹی اس جوڑ کرے۔ عبدالعلیم خان پارے کہ جیمز اینڈ اسٹون تون وابستہ کاروباری بندغ آتے حکومتی کہول آ ہرممکن کمک فراوان کینہ، پرائیویٹ سیکٹر ہم بروک آاِرا دے اٹی سلاہ و سوج آتے گڈیکو دروشم اس ایتے۔
