لاہور۔ 24 اگست (اے پی پی) بنجائی وزیر حوالکاری، شینکاری ، قومی میرات و دودوربیدہ عطاء اللہ تارڑ پارینے کہ خار و بشخنگ نا سیاست کروک آتا تینا پارٹی اینو بے چیٹی و بشخنگ نا گواچی ءِ، تحریک انصاف اٹی کیہی ڈس انفارمیشن سیل و گروپ چلینگ انگ ءُ، علیمہ خان گروپ و بشریٰ بی بی گروپ نا نیام اٹ بے چیٹی مکافات عمل ءِ، بے چیٹی نا سیاست نا بنداو بانی چیئرمین پی ٹی آئی تخا، اوملکی سالمیت ءِ نسخان تننگ آن وخت اس ہم پاناد کتو، ہندا سوب ءِ کہ اینو اونا تینا پارٹی بے چیٹی و بشخنگ نا گواچی ءِ۔ ہفتہ نادے آداڑے میڈیا تون گپ وتران کرسا بنجائی وزیر حوالکاری پارے کہ پی ٹی آئی تدوک آ کیہی ہفتہ غان ملک وقومی ادارہ غاتا برخلاف پروپیگنڈا کننگ اٹی ءِ، نئے بیرہ ملک انا سلامتی ءِ نسخان تننگ نا کوشست کننگ انگ ءِ بلکن او تینا سیاسی فائدہ غاتیکن ملکی فائدہ غاتے نسخان تننگ آن ہم پاناد کتو۔ بنجائی وزیر پارے کہ بے چیٹی نا سیاست نا بنداو ءِ بانی چیئرمین پی ٹی آئی تخا، بے چیٹی و خار انا سیاست، راج ءِ بشخنگ و مخلوق ءِ اسہ ایلو تون جنگ ترفنگ نا انجام وخت اس ہم سہی مفک، ہنداسوب ءِ کہ اینو اوناتیناپارٹی بے چیٹی وبشخنگ نا گواچیءِ۔ پی ٹی آئی نا تہہ ٹی چندی گروپ جوڑ مسنو، ہڑدے اسہ ایلو نا برخلاف بیان بازی کننگ انگ ءِ، داگروپ آک پارٹی نا تہہ ٹی بشخنگ و خار ءِ مون آ دننگ نا بناءِ کرینو۔ اوپارے کہ اینو علیمہ خان نا رؤف حسن تون گپ وتران مون آبس ہراڑآن پاک مریک کہ بشریٰ بی بی تینا جتا ڈس انفارمیشن سیل اس چلیفیکہ۔ اوپارے کہ علیمہ خان گروپ و بشریٰ بی بی گروپ نا نیام اٹ بے چیٹی مکافات عمل ءِ، دافک ملک و راج ءِ بشخنگ نا کوشست کریر، اینواوفتا تیناپارٹی پِننگ و تقسیم نا گواچی ءِ۔ اوپارے کہ علیمہ خان رؤف حسن تون تینا گپ وتران اٹی پارے کہ بشریٰ بی بی بانی چیئرمین پی ٹی آئی نا زندان کمامدار آتون گپ وتران اٹی غلط تاثر تننگ نا کوشست کرے، علیمہ خان داہم پارے کہ بشریٰ بی بی پیشن بس انت اکن اوغا۔ بنجائی وزیر پارے کہ داڑآن پک مریک کہ بشریٰ بی بی ہمدردی نا بیانیہ جوڑ کننگ نا کوشست کریکہ و اونا دروغ انا بیانیہ ءِ علیمہ خان دروغ اس گوندا۔ اوپارے کہ دا گروپ آتیٹی پارٹی آ کوزہ نا جنگ برجاءِ ، اسہ کنڈآ علیمہ خان رؤف حسن ءِ پاننگ ءِ کہ بشریٰ بی بی دروغ انا خبر آتے تالان کننگ ءِ و خواہک کہ دا بیانیہ نا کمک اٹ او پارٹی آ کوزہ کے۔ بنجائی وزیرپارے کہ پی ٹی آئی ٹی کیہی ڈس انفارمیشن سیل چلینگارہ، اسہ سیل اس رؤف حسن علیمہ خان تون اواری اٹ چلیفیرہ و ارٹ میکو سیل ءِ بشریٰ بی بی چلیفیکہ۔ اوپارے کہ علیمہ خان نا گپ وتران آن کُن و خور اٹی ہارپیک نا پڑی شاغوک آ ہیت ہم مون آبسنے، اودے ہم علیمہ خان دروغ اس گوندانے و پارے کہ بانی چیئرمین پی ٹی آئی دُن ءُ ہچ ءُ ہیت اس کتنے، دااسُل سٹی ءُ ہیت اسے ہرادے بشریٰ بی بی کرے، نئے زیار والا ہیت سُچا ءِ و نئے دُن ءُ ہیت و گپ اس بانی چیئرمین پی ٹی آئی و جیلر نا نیام اٹ مس۔ علیمہ خان پارے کہ بشریٰ بی بی نا بیانیہ ٹی ہچ ءُ راستکی ا س اف۔ بنجائی وزیرپارے کہ دا تاثر تننگاکہ کہ ہارپیک نا پڑی تے کُن و خور اٹی اوار کننگ انگ ءِ حالانکہ اوناکن و خور اُراغان بسکہ، اودے زندان اٹی غٹ آسراتیک دوئی ءُ۔ اوپارےکہ دا ہڑتوم آ گروپ آک اسہ ایلو تون دست و گریبان ءُ۔ داپارٹی آ تینا تینا کوزہ ءِ سوگو کننگ خوارہ و داکوشست اٹی ہڑتوم آگروپ آتا جنگ شدت اختیار کرینے۔ بنجائی وزیرپارے کہ پی ٹی آئی راج اٹ بے چیٹی و بشخنگ ودی کننگ نا کوشست کرے، اینواوفتا تینا پارٹی بے چیٹی و تقسیم نا گواچی ءِ۔ اوپارے کہ علیمہ خان نا گروپ پاکستان اٹ وخت اس کہ بشریٰ بی بی گروپ نا بھاز انگا مخلوق پیشن نا ملک اٹی تولوک ءُ ہراہموکان ڈس انفارمیشن تالان کیرہ۔ اوپارے کہ پارٹی آ کوزہ نا جنگ اٹی داملک ءِ نسخان تننگ ءُ۔ اوملکی ادارہ غاتا برخلاف مہم چلیفیر، آئی ایم ایف ناڈیل ءِ خراب کریر و قومی سلامتی نا ادارہ غاتے بدنام کننگ ناکوشست کریر، وزیراعظم و سپہ سالار نا برخلاف دروغ آ تالان مہم چلیفیر۔ اوفتا ڈ س انفارمیشن سیلز بیرہ سیاسی فائدہ غاتیکن ملکی فائدہ غاتے نسخان تسرہ، داسیاست کن آخا بلکن پارٹی ٹی تقسیم و کوزہ کننگ نا کوشست ناشاخسانہ ئس۔ اوپارے کہ داہڑتوم آ زالبول آتا جنگ بھاز مہالوآن بناکریسس ، بشریٰ بی بی مخلوق نا ذہن سازی ءِ کننگ نا بناءِ کرے اوپارٹی آ تینا کوزہ ءِ قائم کننگ خوائسکہ، داسہ علیمہ خان بشریٰ بی بی ءِ ایکسپوز کننگ نا بناءِ کرینے۔ اوپارے کہ تحریک انصاف اٹی داہڑتوم آ ڈس انفارمیشن سیلز نانیام اٹ اسہ جنگ اس برجاءِ کہ ملکی سالمیت ءِ غٹ آن زیات نسخان دیر اس سرکیک ۔ اوپارے کہ رؤف حسن نا علیمہ خان تون خڑکی رابطہ ءِ، اوفتا جتا ڈس انفارمیشن سیل اس چلینگ انگ ءِ۔ اوپارےکہ اسہ ایلو نا جنگ اٹی پی ٹی آئی اینو کہی بشخ آتیٹی بشخ مسنے ، حماد اظہر ہم ہنداسوب آن استیفہ تس کہ او پنجاب اٹی پارٹی ءِ آئسولیٹ کریسس۔ اوپارے کہ تحریک بے چیٹی ٹی اقتدار نا جنگ برجاءِ، سیاسی دنگل بناکرینے، تحریک بے چیٹی کیہی بشخ آتیٹی بشخ نظر بننگ ءِ، پارٹی نا ڈس انفارمیشن سیلز اسہ ایلو تون مقابلہ کننگ ءُ، داتینا جند انا فائدہ غاتا خاطر ملکی فائدہ غاتے قربان کننگ نا کوشست کننگ ءُ۔
