اسلام آباد۔ 21 اگست (اے پی پی) بنجائی وزیر مذہبی امور چوہدری سالک حسین ایران اٹی پاکستانی زائر آتا بس ءِ شکست اٹی مروک آ جونی نسخان تیا ڈکھیائی و است ہسونی نا درشانی ءِ کرینے۔ چارشنبے نادے آ تینا ہڑزخواہی کلہواٹی اوبس شکست اٹی زوال کروک آ بندغ آتا خاہوت آتون ڈکھیائی و است ہسونی نا درشانی ءِ کرسا پارینے کہ شکست اٹی جونی و مالی نسخان تیا است ہسونی مس۔ زوال کروک آبندغ آتا خاہوت آتون ہمدردی و ہڑزخواہی کینہ۔ ڈکھیائی نا داساہت اٹی غمزدہ خاہوت آتا ڈکھیائی ٹی بریبرنا شریک اُن۔ اوزوال کروک آ بندغ آتا بخشش وٹھپی تا زوت دراخ جوڑی کن ہم دعاکرے۔
