اسلام آباد۔ 09 ستمبر (اے پی پی) موٹرویز و جی ٹی روڈ آ شکست آتا توننگ و مسافر آتے ریسکیو کننگ کن اہم گام گیج آتا رداٹ بنجائی وزیر مواصلات عبدالعلیم خان نیشنل ہائی وے اتھارٹی آن ہڑدے ئی بنداو آ شکست آتا ڈیٹا ءِ بٹنگا۔ وزارت مواصلات نا کنڈآن جاری اعلامیہ نا رداٹ موٹرویز آ ٹریفک شکست آتا ٹھپی تیکن 1122 اتون ہیلی کاپٹر سروس نا فراوانی نا بناءِ کننگ آہم سجفنگ انگ ءِ۔ بنجائی وزیر مواصلات عبدالعلیم خان پارے کہ مچ آ ملک اٹی شاری تیکن موٹروے و جی ٹی روڈ زیات آن زیات رکھ مرے، نیشنل ہائی وے اتھارٹی ءِ محکم کننگ کن شارٹ و لانگ ٹرم پالیسی تا نفاذ ءِ کننگے۔ بنجائی وزیر مواصلات عبدالعلیم خان این ایچ اے آن مالی سوگوی کن بروک آ 5 سال انا ایکشن پلان بٹنگسا پارے کہ نیشنل ہائی وے اتھارٹی سرکاری فنڈ انا بے تک کاریم اٹ اتنگ ناجاگہ غا بیرہ عمل نا قابل ڈٹ آتیا کاریم کے۔ اواین ایچ اے ءِ نیشنل ٹرانسپورٹ پالیسی نا تیاری نا ہم ٹاسک ءِ تس وپارت کرینے کہ این ایچ اے موٹروے آ ہرٹرک و ٹرالہ ناویڈیو سرویلنس ءِ پک کے، ایکسل لوڈ انا جی ٹی روڈ آ ہم نفاذ کننگے و فریٹ اینڈ لاجسٹک پالیسی آ سختی اٹ عملدرآمد کننگے۔ بنجائی وزیرپارے کہ جاگہ اس سفارش یا ڈیوالئی مس تو دمدستی کارروائی مریک۔ مالی وڑاٹ وتواجہ مننگ کن نیشنل ہائی وے اتھارٹی تینا مربوط بزنس پلان اس جوڑکے۔ اواین ایچ اے ءِ ٹال خراج یکجا کننگ نا پوسکن میکنزم اس اختیار کننگ نا پارت ہم کرینے۔ بنجائی سیکرٹری مواصلات علی شیر محسود و چیئرمین این ایچ اے شہریار سلطان بنجائی وزیر عبدالعلیم خان ءِ محکمانہ حوال تس وپارےکہ مچ آملک اٹی شاہراہ جوڑ جاڑ برجاءِ ، ادارہ نا کارکڑد اٹی پیدوار گچینی بننگ ءِ۔
