اسلام آباد۔ 21 اگست (اے پی پی) بنجائی وزیر داخلہ محسن نقوی ایران نا شار یزد اٹی است ہسون بس شکست اٹی 35 پاکستانی زائر آتا زوال کننگ آ ڈکھیائی و است ہسونی نادرشانی ءِ کرینے۔ چارشنبے نادے آ وزارت داخلہ نا کنڈآن جاری بیان نا رداٹ بنجائی وزیرداخلہ زوال کروک آ زائر آتا خاہوت آتون دلی ہمدردی و ہڑزخواہی نا درشانی ءِ کرے و ٹھپی تا زوت دراخ جوڑی کن دعاکرے۔ اوپارے کہ ایران اٹ بس شکست اٹی نہادی انسانی جون تا زیان آ بھازڈکھیائی مسنے۔ محسن نقوی پارے کہ غٹ تر ہمدردیک زوال کروک آ بندغ آتا خاہوت و ٹھپی تتون ءُ و زوال کروک آ بندغ آتا خاہوت نا غم اٹی بریبرنا شریک اُن۔ بنجائی وزیرداخلہ محسن نقوی نازوال کروک آبندغ آتا خاہوت آتیکن صبر وجمیل نا دعاکرے۔
