بنجائی وزیر حوالکاری و شینکاری عطاء اللہ تارڑ ناجامعہ دارالعلوم الاسلامیہ لاہور اٹی اسہ دے ئی ہیلکاری نشست آن آن لائن تران

اسلام آباد۔ 15 ستمبر (اے پی پی) بنجائی وزیر حوالکاری و شینکاری عطاء اللہ تارڑ پارینے کہ مدرسہ غاتا طالب علم آتے پوسکن آ علم اتون درستی راستی کرفنگ و اوفتا تربیت اٹ ودکی کننگ اسہ بھلو قومی خذمت اسے، داٹی اخہ درزیات بشخ ہلنگے ، کم ءِ، دین اتون مہرومریبت و عقیدہ ختم نبوت ﷺتون خڑکی تینا ایماندار آ پیرہ مسکوہی صدر جسٹس (ر) رفیق تارڑ آن میرات اٹی ملا ہراکہینگ اسکان عقیدہ ختم نبوت ﷺآ کاریم کریکہ، ورناک دا ملک انا میرات آک ءُ، ننا مشن ورناتے تعلیم تننگ ءِ، و دارداٹ انت کہ گام گیج اس کننگ مریک کینہ۔ داخیال آتا درشانی ءِ بنجائی وزیرحوالکاری وشینکاری عطاء اللہ تارڑ جامعہ دارالعلوم الاسلامیہ لاہور اٹی اسہ دے ئی ہیلکاری نشست آن آن لائن تران کرساکرے۔ اوپارےکہ دود اٹی بٹنگ آ عالم دین و مفتی صاحب آتا منت وار اُٹ، اسلام آباد اٹی پارلیمان نا دیوان نا سوب آن  دادود اٹی تینٹ ساڑی مننگ کتوٹ، ہنداسوب آن ویڈیو لنک انا کمک اٹ بشخ ہلنگ اٹی اُٹ۔ جامعہ دارالعلوم الاسلامیہ نا دود اٹی بشخ ہلنگ کنکن خوشی نا سوب ءِ۔ وزیر حوالکاری پارے کہ کنا پیرہ نا دارالعلوم الاسلامیہ تون بھا ز متکن ءُ تعلقداری اسے ، کنا پیرہ ایماندار مسکوہی صدر پاکستان جسٹس (ر) رفیق تارڑ تینا کیریئر نا بناءِ 1953ء نا ختم نبوت ﷺانا تحریک آن کرے۔ وزیرحوالکاری پارے کہ کنا پیرہ مچ آ زند عقیدہ ختم نبوت ﷺکن خذمت سرتس، ننے دین اتون مہرومریبت و عقیدہ ختم نبوت ﷺتون خڑکی میرات اٹی ملانے۔ بنجائی وزیرحوالکاری پارےکہ قاری احمد میاں تھانوی تون دہائی تیا متکن آ تعلق ءِ، اونا راہشونی مدام ننتون اوار ئس، دارالعلوم الاسلامیہ ٹی ہیلکاری نشست نا اڈتننگ ستاکڑزک۔ بنجائی وزیر حوالکاری و شینکاری پارےکہ مدرسہ غاتا طالب علم آتے پوسکن آ علم اتون درستی راستی کرفنگ و اوفتا تربیت اٹی ودکی کننگ اسہ بھاز بھلو قومی خذمت اسے، داٹی اخہ در کہ بشخ ہلنگے، کم ءِ۔ اوپارےکہ دارالعلوم الاسلامیہ تینا مدرسہ و جامعہ غاتیٹی چندی بشخ آتا بابت ڈگری ہم درستی راستی کرفے ہراڑآ او مبارکباد نا حقدار ءِ، اسہ وخت دنیانا سائنسدان و دانشور مسلمان ئسر، نن تینا طالب علم آتے چندی بشخ آتیٹی ڈگری ایتنہ ، واسہ وخت بریک داادارہ غاتیان سائنسدان، ڈاکٹر و انجینئر پیش تمک۔ اوپارےکہ دارالعلوم الاسلامیہ نا رداٹ تعلیمی پروگرام نا بناآن مچ آملک اٹی دینی تپہ نا طالب علم ایلو بشخ آتیٹی ہم خذمت سرتننگ کیرہ۔ بنجائی وزیر حوالکاری پارےکہ تعلیم نا دوئی کننگ بھاز المی ءِ ، مدرسہ و جامعہ غاتا طالب علم آتے ماڈرن تعلیم تننگ بھلو کاریم اسے۔ اوپارے کہ ننا مشن ورناتے تعلیم تننگ ءِ، ورناک دا ملک انا سرمایہ ءُ، ورناتیکن انت کہ گام گیج اس کننگ مس کینہ۔