بنجائی وزیر حوالکاری عطاء اللہ تارڑ ہم نیوز نا سینئر اینکر پرسن عاصمہ شیرازی نا اُراغا بس، ایلم نا کزیت آ ہڑزخواہی نا درشان و ایماندار نا روح انا ثواب کن دعاپاتیاکرے

اسلام آباد۔ 10 ستمبر (اے پی پی) بنجائی وزیر حوالکاری، شینکاری ، قومی میرات و دودوربیدہ عطاءا للہ تارڑ سے شنبے نادے آ ہم نیوز نا سینئر اینکر پرسن عاصمہ شیرازی نا اُراغا ہنا و اونا ایلم محسن شیرازی نا کزیت آ خاہوت آتون ہڑزخواہی نا درشانی ءِ کرے و ایماندار نا روح انا ثواب کن دعاپاتیاکرے۔ بنجائی وزیر حوالکاری تون اوار وزیراعظم نا کوآرڈی نیٹر بدر شہباز وڑائچ، سیکرٹری حوالکاری عنبرین جان، جوائنٹ سیکرٹری حوالکاری و پرنسپل انفارمیشن آفیسرئسک ہم ساڑی ئسر۔ بنجائی وزیر عاصمہ شیرازی نا ایلم محسن شیرازی نا کزیت ءِ خاہوت کن بے بدل نسخان اس گوندسا پارے کہ ایڑھ ایلم قدرت نا انمول رشتہ ءُ، ڈکھیائی نا داساہت اٹی پدسلوک آخاہوت نا غم اٹی بریبرنا شریک اُن۔ اودعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس و خاہوت ءِ صبر وجمیل عطاکے۔