کوئٹہ۔ 02 ستمبر (اے پی پی) پاکستان پیپلزپارٹی نا سینیٹر بلال خان مندوخیل پارینے کہ بلوچستان اٹ تعلیم و جان جوڑی نا وارخواہی فراوان کننگ کن گچین گام گیج آتا گرج ءِ، ڈیرہ بگٹی یاچمن نا اگہ چناخوانے تو اوبلوچستان نا خذمت ءِ ہی کروئی ءِ ، بروک آچین تا گچین آخبت کن گچین کانود وخت انا اہم گرج ءِ ، ننا کوشست ءِ کہ الس نا گچین فائدہ ٹی کانود سازی کینہ۔ داخیال آتا درشانی ءِ او اے پی پی تون خصوصی گپ وتران کرساکرے۔ سینیٹر بلال خان مندوخیل پارے کہ بلوچستان پاکستان نا اسہ اہم آبادی نا رداٹ چنکا و رقبہ نا لحاظ اٹ بھلا صوبہ ءِ اللہ تعالیٰ ننا صوبہ ءِ بھاز زیات نعمت تسنے داصوبہ نا بارڈر اِرا ملک اوغانستان و ایران تون کاہک ملک۔ بلوچستان نا ضلع، ڈویژن اسے نا ہیت ءِ کننگے تو ننا چناک ءُ ہنداچناک مون آ ہنسا صوبہ وملک انا خذمت ءِ کیرہ، چائے اوفتا تعلق ڈیرہ بگٹی آن مرے یا ولدا چمن آن، آخر اٹ ہنداچناتے ہی بلوچستان اٹ خذمت سرتروئی ءِ، داچناک اسکالر شپ دوئی کرسا تعلیم نا دوئی کننگ آن پد پدی تینا صوبہ نا شونداری و شونہالی کن کاریم کیرہ۔ اوپارے کہ بلوچستان اٹی تعلیم و جان جوڑی نا وارخواہی فراوان کننگ کن گچین گام گیج آتا گرج ءِ، بروک آ چین تا گچین آخبت کن گچین کانود وخت انا اہم گرج ءِ، ننا کوشست ءِ کہ الس نا گچین فائدہ غاتیٹی کانود سازی کینہ۔
