کراچی۔ 21 اگست (اے پی پی) پاکستان پیپلزپارٹی نا چیئرمین بلاول بھٹو زرداری ایران اٹ پاکستانی زائر آتا بس ءِ پیش بروک آ شکست اٹی نہادی جون تا زیان آ است ہسونی نا درشانی ءِ کرینے۔ میڈیا سیل بلاول ہاؤس نا کنڈآن جاری بیان نا رداٹ بلاول بھٹو زرداری پارے کہ شکست اٹی نہادی جون تا زیان آ است رنجیدہ ءِ۔ اوپارے کہ او است ہسون شکست اٹی تینا دوست آتے گوہوک آ خاہوت آتا غم اٹی بریبرناشریک ءِ۔ اوپارے کہ وزارت ءِ خارجہ و تہران اٹ پاکستانی سفارت خانہ نا تعلقدار کمامدارآک زہمی خاہوت آتون رابطہ ٹی مریر، اومیت ءِ پاکستانی شاری تا لاش آتے وطن آ اتنگ کن تعلقدار کمامدار و ادارہ غاک تینا زمواری تے پورو کیرہ۔ بلاول بھٹو زرداری دااومیت نا ہم درشانی ءِ کرے کہ ایران بس شکست اٹی ٹھپی پاکستانی تا گچین درمان ءِ ہم پک کننگک۔ اوشکست اٹی زوال کروک پاکستانی تا درجہ غاتا بڑزی کن دعاہم کرے۔
