اسلام آباد۔ 10 ستمبر (اے پی پی) قومی اسمبلی ءِ پاننگانے کہ برجاتُو اسلامی مالیات نا رداٹ 50 ارب روپئی مالیت نا شریعہ کمپلائنس سرٹیفکیٹ جاری مریک، حکومت اسلامی مالیات و بنکاری نا مون آ دننگ اٹ سنبرینگوک ءِ۔ سے شنبے نادے آ قومی اسمبلی ٹی قومی بچت نا رداٹ اسلامی مالیات نا بابت اسکیم تا بندش نا بابت عالیہ کامران نا چکاری نوٹس آوزیرمملکت خزانہ و محصولات علی پرویز ملک ایوان ءِ پارے کہ حکومت اسلامی مالیاتی انسٹرومنٹ و اسلامی بنکنگ نا مون آدننگ اٹی سنبرینگوک ءِ، سی ڈی این ایس نا اِرا اسکیم اسلامی مالیات نا رداٹ چلینگ انگ ءُ، ہڑتوم آ اسکیمک جولائی 2023 اٹی بناکریسر، 70 ارب روپئی اسکان نا انسٹرومنٹ جاری مسوسس ہرادے معطل کننگا۔ اوپارےکہ اسلامی انسٹرومنٹ ایسیٹ بیکڈ مریک، میرات آتا عیوض داخہ مالیت نا انسٹرومنٹ جاری مریک۔ 2023 اٹی لاہور سیالکوٹ موٹروے و اسلام آباد میٹرو نا عوض 80 ارب نا سرٹیفکیٹ جاری مسوسس، داسہ حکومت اسہ ہزار ارب نا پوسکن آ میرات آتا کساس ءِ خلک و این او سی دوئی کرینے، برجاتُو اسلامی مالیات ناانسٹرومنٹ ءِ جاری کننگ کن میرات جات نا ضرورت مریک۔ سی ڈی این ایس نا رداٹ ہڑتوم آاسکیم تے کشن نا رداٹ سرٹیفکیٹ جاری مسوسس، حکومت اسلامی بینکاری نا مون آدننگ کن گام گیج کننگ اٹی ءِ ، اسلامی بینک آتا کھاتہ غاتیٹی 30 درسد ودکی مسنے، اسلامی مالیات کن پوسکن آمیرات آتا پیدواری ءِ کننگانے و 50 ارب روپئی مالیت نا سرٹیفکیٹ جاری مریک۔
